И йикъара СтIал Сулейманан райондин Сардархуьре дуьньядин чемпион, азаддиз кьуршахар кьунай Урусатдин хкянавай командадик квай Шамил Мамедова мастер-класс кьиле тухвана.
Муниципалитетдин администрациядин пресс-къуллугъди хабар гузвайвал, спортдин, туризмдин ва жегьилрин крарин рекьяй кардик квай комитетдин директор Чингиз Абдулмежидован теклифдалди тешкилай и мярекатда мектебра кIелзавай ва спортдал машгъул жезвай 80 аялди иштиракна.
Гуьруьш гатIундалди Чингиз Абдулмежидова аялар машгьур спортсмендихъ галаз танишарна ва адаз багьа савкьат пишкешна.
Гуьгъуьнлай Шамил Мамедова аялриз кьуршахар кьунин техникадин сирер, жуьреба-жуьре приемар къалурна, жегьилрин суалриз жавабар гана.
Гуьруьшда СтIал Сулейманан райондин кьилин сад лагьай заместитель Лацис Оружевани иштиракна.
Къейд ийин хьи, Шамил Мамедов Урусатдин, международный “Иван Ярыгин” Гран-придин турнирдин, дуьньядин чемпион я. Алай йисан февралдин вацра адакай “Яшар Догу-2022” лишандик кваз кьиле фейи международный турнирдин къизилдин медалдин сагьиб хьана, августдин вацра азаддиз кьуршахар кьунай кьиле фейи Вирироссиядин спартакиадада ада 1-чка кьуна. Ам Дербент райондин Белиж поселокдай я.
«Лезги газет»
