Халид Мамедханов (1904-1924)  —  Кцlар райондин Яргун хуьре 1904-йисуз дидедиз хьана. За­кавказьедин сад лагьай летчик. Адан сур Кремл­дин цларив, И.В. Сталинан сурун патав гва.

Гьажи Давудан женгер. 1722-йисуз кьушунрин регьбер Гьажи Давуда иранви чапхунчийрин винел са жерге чlехи гъалибвилер къачуна. Албанрин та­рихчи Есаи Гьасан-Жалаляна шагьидвалзавайвал, анжах са йикъан къене Гьажи Давудан кьушунри чапхунчийрикай Къарабахдин вири мулкар азад авуна.

Удинар. Албаниядин вири халкьарикай тек удинри чпин асул тlвар ва хашпара дин хвенва. Удинар 10 агъзур кас кьван ава. И халкьдин чlал алай вахтунда квахьунин къурхулувилик ква.

Гьазурайди — Куругъли Ферзалиев