РФ-дин образованидинни илимдин министерстводи къарардалди тестикьарнавай, 2013-2020-йисара «Образование вилик тухун» РФ-дин гьукуматдин программадин сергьятра аваз РД-дин образованидинни илимдин министерстводи кьиле тухвай лап хъсан муаллимриз пулдин куьмекар гунин конкурсдин нетижаяр и мукьвара малумарна.
Конкурсдиз ракъурай материалриз пешекарри къимет гайидалай кьулухъ пулдин пишкешар республикадин 31 муаллимдиз гудай къарар акъуднава. Шад жедай кар ам я хьи, и муаллимрин жергеда Сулейман-Стальский райондай тир кьве муаллимни ава: Абдуллаева Извина Рамазановна ва Кадималиева Гьуьрият Абдулсалигьовна.
Муаллимриз и хьанвай агалкьун чна мубаракзава. Регьят тушир кlвалахда абурухъ мадни еке агалкьунар хьурай!
«Лезги газет»
