Алатай гьафтеда Докъузпара районда туризмдинни спортдин “Ярудагъ-2022” лишандик кваз фестиваль кьиле фена. Гьар йисуз Европада виридалайни кьакьанда авай Къурушрин хуьре тешкилзавай и мярекатдиз Урусатдин жуьреба-жуьре регионрай дагъдин туризмдал рикI алай 50 спортсмен атанвай.
“Лезги газетдиз” РД-дин туризмдин ва халкьдин художественный сеняткарвилерин министерстводин пресс-къуллугъди хабар гайивал, фестивалдин асул макьсадрикай сад Дагъларин уьлкведа туризмдин спортдин ва экстремальный жуьреяр вилик тухун тир.
Мярекатдин иштиракчийрин арада акъажунар са шумуд номинациядай кьиле фена: “Дагъдин кукIвал хкаж хьун”, “Дагъдин шартIара катун” ва масабур. Гъалибчийриз кубокар, медалар ва багьа пишкешар гана.
«Лезги газет»
