Эсмира Магьмудова КцIар райондин Хуьрелрин хуьряй я. Мектебда кIелзавай йисарилай гатIунна хайи чIалал, эдебиятдал адан рикI пара алай. Шиирар кхьидай бажарагъ авай руша чи шаиррин, гьикаятчийрин ктабар кIелзавай, милли эдебиятдин вичиз малум тушир сирер чириз алахъзавай.
Исятда Эсмира КцIар шегьерда яшамиш жезва, кьве аялдин диде я. КIвалин-йикъан дердийрикай азад вахт ада шиирар кхьиниз бахшзава.
Лагьана кIанда, Эсмира Магьмудовадин шиирар “Лезги газетдиз” виликдайни акъатнай. Мукьвара жегьил авторди чи редакциядив вичин цIийи шиирар агакьарна. Абурукай са шумуд чна газет кIелзавайбуруз теклифзава.
(Шиирар «Лезги газетдин» сайтдин «Эдебият» рубрикадани чапнава)
«Лезги газет»
