Мегьарамдхуьруьн районда муниципалитетдин кьил Фарид Агьмедован тапшуругъдалди, тамам тушир мобилизациядин сергьятра аваз, дяведин рекьяй къуллугъ авуниз эвер ганвайбурун хизанриз куьмекар гудай волонтеррин “#МыВместе” гьерекатдин штаб арадал гъанва. Штабдин векилри куьмекдин игьтияж авайбурун кIвалериз недай-хъвадай суьрсет агакьарзава.
Фарид Агьмедова къейдзавайвал, алай вахтунда чун вири сад хьана кIанзава. Фронтда миллетчийрихъ галаз дяве тухузвайбуруз, абурун хизанриз вири рекьерай куьмекар гуниз гьам уьлкведин, гьамни регионрин дережада аваз кьетIен фикир гузва. И кар, республикадин хейлин муниципалитетра хьиз, Мегьарамдхуьруьн райондани хъсандиз тешкилнава.
Къейд ийин хьи, штабдин кIвалах райондин руководстводи кьетIен гуьзчивилик кутунва.
«Лезги газет»
