СтIал Сулейманан райондин ЦIийи поселокдин юкьван школада Украинада кьиле физвай махсус серенжемда телеф хьайи Ал­лаудин Бабаеван ва Арсен Гьабибован тIварар эбеди авунин мураддалди мемориалдин кьулар ачухуниз талукь мярекат кьи­ле фена. Ана кье­гьал­ рухвайрин багърийри, мукьва-кьилийри, СтIал Сулейманан райондин кьил Саид Темирха­нова, адан заместитель Лацис Оружева, же­ми­ят­дин хатасузвал хуьнин рекьяй заместитель Абуталиб Фатулаева, райадминистрациядин маса къуллугъчийри, школадин муаллимри ва кIелза­вай­буру иштиракна.

Мярекат С.Темирханова ачухна:

— Гьуьрметлу юлдашар, кьегьал рухвайрин багърияр ва мукьва-кьилияр! Телеф хьайидалай гуьгъуьниз “Жуьрэтлувиляй” орденриз лайихлу хьанвай кьегьал рухваяр чи игитар я. Абу­ру Россиядин аслу тушир­вал­, Донбасс­дин агьалийрин ислягь гележег патал чпин чанар къурбанд авуна, Ватандин вилик чпин пак буржи намуслудаказ ва жуьрэтлудаказ кьилиз акъудна. Ихьтин кье­гьал рухваяр тербияламишунай за абурун диде-бубайриз ри­кIин сидкьидай аферин лугьузва.

Мярекатдал рахай СтIал Сулейманан ва Кьурагь районрин военный комиссар Райзудин Женетова, муаллимри, класс­рин ру­ководителри кьегьал рухвайрин экуь къаматар рикIел хкана.

Хазран Кьасумов