Дагъустандин печатдин ва информациядин министрдин везифаяр вахтуналди тамамарзавай Рашид Акавован теклифдалди, июндин вацра республикадин са жерге шегьеррани районра милли чIаларал акъатзавай газетар кIелзавайбурухъ галаз гуьруьшар кьиле тухуда.
Анра министерстводин, шегьерринни районрин администрацийрин векилри, республикадин государстводин СМИ-рин регьберри, милли прессадал рикI алайбуру иштиракда.
Кьиблепатан Дагъустанда яшамиш жезвай халкьарин чIаларал акъатзавай газетар кIелзавайбурухъ галаз гуьруьш 19-июндиз Сулейман-Стальский райондин И.Тагьирован тIварунихъ галай культурадин дворецда кьиле тухуда. Мярекат сятдин йикъан 11-даз гатIунда.
Чна “Лезги газет” кIелзавай чи ватанэгьлийривай и гуьруьшда иштиракун тIалабзава.
«Лезги газет»
