ЦIийиз эцигзавай гзаф мертебайрин кIва­лерин къиметрал гьалтайла, Махачкъала кIвенкIвечи шегьеррин арадиз акъат­нава. Алай йисан сифте кьилелай гзаф мертебайрин цIийи кIвалерин къиметар вири­далайни гзаф хкаж хьанвай РФ-дин  чIехи шегьеррин (агьалийрин кьадар 500 агъзурдалай тIимил тушир) сиягьда Ма­хач­къалади 21-чка кьунва. Идакай, “ЦИАН.Аналитикади” кьиле тухванвай ахтармишунал асаслу яз, “РБК” агентство­ди хабар гузва.

ИкI, малум хьайивал, Махачкъалада­ квартирадин юкьван къимет йисан сифте кьилелай 9 процентдин, 2,5 миллион манатдив агакьдалди хкаж хьанва. Си­ягь­дин кIвенкIве Хабаровск ава, ана къиметар  51 процентдин (8,4 миллион манатдин) хкаж хьанва. Кьвед лагьай чкадал — Липецк (50 процент ва 6 мил­лион манат), пуд лагьайдал Иркутск (44 процент ва 5,8 миллион манат) ала.

Йисан сифте кьилелай къиметар виридалайни гзаф агъуз хьанвай  шегьер­рин сиягьдин кьиле Набережный Челны ава. ЦIийиз эцигзавай гзаф мертебайрин кIвале­ра квартирайрин къиметар ина 13 процентдин (4,2 миллион) агъуз хьанва.

Чи мухбир