2023-йисуз чпин кIвалах виниз ва лап виниз тир хаталувилин дережайрик акат тийизвай карханаяр ва тешкилатар ахтармишунрикай азадда. Талукь тир къарардал РФ-дин премьер-министр Михаил Мишустина къул чIугуна.
Министррин кабинетдин пресс-къуллугъди хабар гузвайвал, документ федеральный, региондин ва гьакIни муниципалитетрин патай тешкилзавай ахтармишунриз талукь я.
Къарардин бинедаллаз, гьакIни чеб II дережадин хаталувилинбурук акат тийизвай промышленностдин ва гидротехникадин объектар ахтармишунални сергьятвилер эцигда.
Гьа са вахтунда, къейдзавайвал, карчийривай, и ва я маса нукьсанрин вилик пад кьун патал, ахтармишунарзавай органдиз арза рекье тваз жеда. Официальный ахтармишунрилай и кар адалди тафаватлу я хьи, адан нетижада жерме авун ва я жавабдарвилиз чIугун фикирда кьунвач.
Чи мухбир
