Мергьяматлувал
СтIал Сулейманан райондин администрациядин пресс-къуллугъди хабар гайивал, мергьяматлувилин “Умуд” фондуни СтIал Сулейманан ва Кьурагь районрай тамам тушир мобилизациядин сергьятра аваз аскервилин къуллугъдал фидай ватандашар герек тир затIаралди таъминарун патал пулунин такьатар чара авунва. Идакай алатай гьафтеда тамам тушир мобилизациядин месэладай райадминистрацияда кьиле фейи совещанидал СтIал Сулейманан райондин кьилин заместитель Абуталиб Фатулаева хабар гана.
Ада къейд авурвал, мергьяматлувилин фондунай чара авунвай пулунихъ маса къачунвай затIарик рухар, спальникар, резиндин кIвачин къапар, аптечкаяр ва кьуру паекар акатзава. Идалайни гъейри, мобилизоватнавай гьар садаз “Умуд” фондунин патай пулунин куьмекни гуда.
Малум хьайивал, и йикъара ракъурай сифтегьан дестедив герек тир затIарин куьмек агакьна. Чаз чизвайвал, мергьяматлувилин “Умуд” фондуни ватандизни ватандашриз куьмекар гуник мукьвал-мукьвал пай кутазва. Мисал яз, инал чавай коронавирусдин тIугъвал къизгъин хьайи муддатда и фондуни тешкилай мярекатар рикIел хкиз жеда.
«Лезги газет»
