СтIал Сулейманан райондин Герейханован хуьре “Жуьрэтлувиляй” ордендин сагьиб Роберт Къазиагьмедов рикIера хуьнин лишан яз, мини-футболдай женгерин гьерекатрин ветеранрин командайрин арада республикадин турнир кьиле фена.

Райондин администрациядин спортдин, туризмдин ва жегьилрин крарин рекьяй комитетдин директор Чингиз Абдулмежидова кьил кутуналди тешкилай турнирда Дагъустандин районрай ва шегьеррай атанвай 6 командади иштиракна.

Къизгъиндаказ кьиле фейи акъажунра Махачкъаладин командади 1-чка кьуна. 2 ва 3-чкайриз  Дербент ва Избербаш шегьеррин командаяр лайихлу хьана.

Турнир куьтягь хьунин ва шабагьар вахкуниз талукьарнавай мярекатда Ч.Абдулмежидова, райондин образованидин управленидин начальникдин заместитель Абдулнасир Ханвердиева, полициядин майор Валерий Ибрагьимова ва райондин хуьруьн майишатдинни суьрсетдин управленидин начальник, рагьметлу Роберт Къазиагьмедован стха Къазиагьмед Абидиновича иштиракна.

Хазран Кьасумов