И йикъара Ахцегь райондин Смугъулрин хуьре жегьилар патал спортдин майдан туькlуьрунин кlвалахар гатlуннава. LezgiSport.com чешмеди хабар гузвайвал, чкадин агьалийри ашкъидивди зегьмет чlугвазва.
Хуьруьнэгьлийри къейдзавайвал, хъсан дережада аваз туькlуьрдай спортдин майданди дагълух хуьре спорт вилик тухунин кардик гьерекат кутада. Алай вахтунда Смугъул хуьре жегьилар волейболдал ва боксдал датlана машгъул жезва, спортсменри райондин акъажунрани агалкьунралди иштиракзава.
Гъиле кьунвай кlвалах алай йисан эхирдалди тамамдаказ акьалтlардай ният ава.
«Лезги газет»
