Мегьарамдхуьруьн райондин Филерин мектебда кlелзавайбуру «Зи Дагъустан» тlвар алай Дагъустандин жегьилрин ватанпересвилин проектдин кьвед лагьай паюнани агалкьунралди иштиракна. И гьакъиндай «Лезги газетдиз» райондин администрациядин пресс-къуллугъди хабар гузва.
Проектдин макьсадар ватандашрин руьгьдин садвал мягькемарун, ватанпересвилин тербия гун, акьалтзавай несилдин арада медениятдин адетар хуьн я.
Ихьтин мярекат РД-дин милли сиясатдин рекьяй министерстводин куьмекни галаз РД-дин «Дуствилин кlвали» тешкилна.
Къейднавай мярекат 4 паюникай ибарат я. Алай вахтунда кьве пай вилик кума.
«Зи Дагъустан» проект кьилиз акъудунин сергьятра аваз гьар са паюнай (этап) лап хъсан кlвалахар хкязава. Къейдна кlанда, Филерин мектебдин ученикар тир Ярагьмед Талибованни Исабуба Исаеван кlвалахарни лап хъсанбурун жергедик акатнава.
Къуй абурухъ мадни чlехи агалкьунар хьурай.
«Лезги газет»
