“Лезги газетдин” редакцияди мухбирар (2 кас)
кIвалахал кьабулун патал конкурс малумарзава
Конкурсда чпихъ филологиядин рекьяй кьилин образование авай (бакалавр, магистратура), яшар 70 йисалай виниз тушир, хъсандиз лезги чIалал кIелиз, кхьиз, рахаз, текстер урус чIалай лезги чIалаз элкъуьриз жезвай ксаривай иштиракиз жеда.
Конкурс 20-октябрдалди давам жеда. Нетижаяр 24-октябрдиз кьада. Гъалибчияр газетдин редколлегияди иштиракчийри кхьидай макъалайриз баллрин куьмекдалди къимет гуналди хкяда.
Къейд ийин хьи, кIвалахзавай асул чка Махачкъалада, газетдин редакцияда жеда. Арада мензил аваз (дистанционно) кIвалахиз кIанзавай ксариз конкурсда иштиракдай ихтиярар авач. Са вацран мажиб (стаждиз, шабагьриз талукь яз гьакъидал алава хъжезвай такьатар квачиз) 17 817 манатдиз барабар я. КIвалахзавай йикъар: ислен, саласа, арбе, хемис, жуьмя — экуьнин сятдин 9-далай нянин сятдин 6-далди.
Конкурсда иштиракиз кIанзавайбуру 20-октябрдалди “Лезги газетдин” редакциядин электронный почтадин Lezgigazet@yandex.ru адресдиз 3 макъала рекье тун лазим я (кьадар 4 чарчелай тIимил тушиз, А4 форматдин чар, 14 кегль, 1,5 интервал). Макъалайрин темаяр иштиракчийри чпи хкязава. Гъалиб хьайибурухъ текстер урус чIалай лезги чIалаз элкъуьрунин рекьяй авай алакьунриз редакцияда алава тапшуругъ гуналди къимет гуда.
Конкурсдиз рекье твазвай материалрин эвел кьиле “Мухбирар хкядай конкурсдиз” къейд авун шартI я.
Суалар пайда хьайитIа, телефондин 8-928-584-16-72 нумрадиз зенг ийиз жеда.
«Лезги газет»
