И йикъара Дагъустандин физический культурадин ва спортдин министерст­водин векилри СтIал Сулейманан районда, акьалтзавай несил ватанпересвилин руьгьдаллаз тербияламишунин, миллетрин арада къалмакъалдал гъидай гьаларин вилик пад кьунин месэлайриз, гьакIни терроризмдиз ва экстремизмдиз аксивал авуниз талукьарна, совещание кьиле тухвана. Идакай министерстводин пресс-къуллугъди хабар гузва.

Райондин образованидин управлениди (РУО) спортдин, туризмдин ва жегьил­рин кра­рин рекьяй комитетдин куьмекни галаз ад­министрациядин актовый залда тешкилай серенжемда иштиракун патал­ аниз маш­­гьур ксар, тIвар-ван авай спортсменар мугьман хьанвай. Кьилди къачур­тIа, абурун­ арада авай: РД-дин физический культурадин ва спортдин министрдин заместитель Гь.Гьайдарбегов, физический культурадин, спортдин ва резерв гьазурунин рекьяй министерстводин патав гвай управленидин начальник Х.Махачев, А.Алиеван тIварунихъ галай спортдин школадин директор М.Исагьажиев, анин старший тренер М.Мегьамедов.

Талукьарнавай темадай спортдин серенжемдал, винидихъ тIварар кьунвай кса­рилай гъейри, райондин спортдин, ту­ризм­дин ва жегьилрин крарин рекьяй комитетдин директор Ч.Абдулмежидов ва РУО-дин патав гвай ИМЦ-дин директордин заместитель Венера Абдуселимовани рахана. Ана иштиракай аялриз маш­гьур спортсменрин къулар алай ктабар пишкешна.

Эхирдай районда акьалтзавай несилдиз тербия гунин месэлайрай кьиле тухузвай бегьерлу кIвалахдай В.Абдуселимовадиз чухсагъул малумарна.

«Лезги газет»