Докъузпара райондин администрациядин пресс-къуллугъди хабар гузвайвал, са шумуд югъ идалай вилик ЦIийи Къаракуьредин спортдин майдандал хуьрерин командайрин арада мини-футболдай тешкилай турнирдин финал кьиле фена. Спортдин серенжем терроризмдиз акси женгина рейсадвал къалурунин йикъаз талукьарнавай.
Райондин спортдин, жегьилрин сиясатдин ва туризмдин отделди тешкилнавай турнирда 8 командади иштиракна. Спортдин серенжемдин макьсад районда жегьилар спортдал ва сагълам уьмуьр кечирмишунал желб авун, мини-футбол машгьурун ва бажарагълу футболистар дуьздал акъудун тир. Акъажунрин кьилин судья — А.Ражабов, судьяяр — Г.Лукьманов, З.Ражабов, С.Ражабов.
Къизгъиндаказ кьиле фейи къугъунрин нетижада Миграгъ-Къазмайрин команда 1-чкадиз лайихлу хьана. 2 ва 3-чкаяр Усугъчайдин — кьве командади, ЦIийи Къаракуьредин командади 4-чка кьуна.
«Лезги газет»
