24-майдиз Стlал Сулейманан тlварунихъ галай Лезгийрин гьукуматдин муздрамтеатрдин артистри Мегьарамдхуьруьн районда цlийи тамаша къалурна.
Райондиз мугьман хьанвай артистар тебрик авуналди, «Мегьарамдхуьруьн район» МР-дин кьил Фарид Агьмедова театрдин коллективдиз алхишдин келимаяр лагьана.
Тамаша эгечlдалди вилик Ф.Агьмедова Лезги театрдин лайихлу артист Мамед Мамедоваз 70 йисан юбилей тебрикна.
Тебрикдин рахунрилай кьулухъ артистри «Яран диде» къемеда къалуруналди тамашачийрин гуьгьуьлар шадарна.
«Лезги газет»
