И йикъара Сулейман-Стальский райондин Кьулан Стlалрин мектебда «Сада-сад хуьх» республикадин проектдин сергьятра аваз, рекьеринни улакьрин чlуру агьвалатрин вилик пад кьунин макьсаддихъ элкъуьрнавай мярекат кьиле фена, — хабар гузва Сулейман-Стальский райондин администрациядин пресс-къуллугъди хабар гузва.
Серенжемдин кьилин тешкилатчияр РД-дин жегьилрин крарин рекьяй министерство я. И жуьредин мярекатар себеб яз аялриз рекьера гьерекатунин къайдайрикай гьихьтин чирвилер аватlа ахтармишзава, абуруз чин тийизвай и ва маса къайдаяр чир жезва.
Мярекатда Россиядин МВД-дин ГИБДД-дин Сулейман-Стальский райондин отделдин инспектор, полициядин чlехи лейтенант Надир Ярагьмедова иштиракна.
Серенжемдин вахтунда жегьилри рекьерин къайдайрикай рик1ел хвена к1ани малуматар алай чарар куьчейра дуьшуьш хьайибуруз пайна.
«Лезги газет»
