И йикъара Докъузпара райондин кьил Мегьамед Шамило­ва лап хъсан къиметралди мектебар акьалтIарайбурув шад гьалара къизилдин медалар ва сагърай лугьузвай чарар вахкана. Идакай муниципалитетдин сайтда хабар ганва.

Малум  хьайивал,  къизилдин  медалар  ва  яру  аттестатар Усугъчайдин Х.Заманован тIвар­цIихъ галай мектебдин                 2 ученицадив — Шагьэмирова Залинадивни Сулейманова Ам­и­­надив,  Мискискарин М.Ахундован тIвар­цIихъ галай мек­теб­дин 2 ученицадив  — Якьубханова Мадинадивни  Зей­нало­ва Фаридадив ва Миграгъ-Къазмайрин М.Бекерован  тIвар­цIихъ галай мектебдин ученица Аликъу­лиева Маинадив вахкана.

Тафаватлудаказ мектеб куьтягьайбуруз цуьквер, пулунин пишкешар гана. Райондин кьили ва образованидин управленидин на­чальникдин везифаяр тамамарзавай Руслан Исмаилова выпускникриз тебрикдин гафар лагьана.

Чи мухбир