Дагъустанда ципицIрин бегьер кIватI хъийидай вахт алукьнава
27-августдиз министерствойринни ведомствойрин къуллугъчийри регионда сифте яз кьиле фейи серенжемда иш-тиракна ва саки 20 тонн ципицIар кватIна.
И кардик кьил кутурди РД-дин Гьукуматдин председатель Абдулмуслим Абдулмуслимов я.
Серенжемда РД-дин сад лагьай вице-премьер Руслан Алиева, вице- премьерар тир Мурад Къазиева, Нариман Абдулмуталибова, Заур Эминова, гьакIни кьиле чпин руководителар аваз республикадин министерствойрин ва ведомствойрин коллективри иштиракна.
“Къенин чи субботникдалди чна ципицIар кIватI хъувунин сезон башламишнава. Чаз вице-премьерри, министрри ва абурун коллективри чеб хуьруьн чкада гьикI тухудатIа ахтармишиз кIан хьана. Заз еке разивилелди лугьуз кIанзава хьи, и кар лап хъсандиз кьиле фена. Санлай къачурла, са юкъуз аграрияр хьайи государстводин къуллугъчийри саки 20 тонн ципицIар кIватIна” , — лагьана А.Абдулмуслимова.
Ада къейд авурвал, республикади гьар йисуз уьзуьмлухрин майданар гегьеншарзава, цIийи технологияр кардик кутазва. Нетижада гьар йисуз уьзуьмрин бегьерлувал артух жезва. ЦIи республикада 240-250 агъзур тонн ципицIар кIватI хъувун планламишнава. Са йис идалай вилик Дагъустанда саки 238 агъзур тонн ципицIар кIватI хъувунай.
«Лезги газет»
