РФ-дин Коммунистрин пар­тиядин Да­гъустандин региондин отде­лени­дин рескомдин сад лагьай секретарь, РД-дин Халкьдин Собранидин депутат Са­мир­ Абдулхаликьова, Кеферпатан Кавказдин Федеральный округда авай КПРФ-дин ЦК-дин векилри ва РД-дин Халкьдин Соб­ра­нидин­ депутатри, гьакI маса коммунист­рини Донбассдин аслу тушир рес­публикайриз ва миллетбазрикай азаднавай ­хуьрерин, шегьеррин агьалийриз куьмекдин гъил яргъи авуна. ИкI, Россиядин ком­мунист­рин патай недай-хъвадай шейэр авай автомашинар Донецкдин ва Лу­ганскдин республикайрив виш лагьай сеферда агакьдайвал авуна.

Дагъустандин региондин от­д­е­­­лениди винидихъ тIвар кьунвай чкайриз рекье тун патал 23 тонн­див агакьна суьрсет гьазурнава. Адак дуьгуь, макаронар, гъуьр,  ширинлухар, хъвадай яд, шекер, шире­яр акатзава.

КПРФ-дин Дагъустандин отделениди республикадин недай-хъвадай шейэр гьазурзавай карханайрин кьилевайбуруз, РД-дин Халкьдин Собранидин депутатриз ва сиясатдин маса партийрин векилриз 100 лагьай сеферда рекье твазвай конвой гьазуруник чпин пай кутунай сагърай лагьана.

«Лезги газет»