РД-дин рекъемрин рекьяй вилик финин министерстводин Телеграм-каналди хабар гузвайвал, “Госуслуги” порталда жуьреба-жуьре къуллугърин, жермейрин гьакъиндай пулар гудай цIийи къайда кардик акатнава.
Гила интернетдикай менфят къачудай мумкинвал авайбурувай “Yandex Pay” сервисдин куьмекдалди государстводин харж (госпошлина), жермеяр гуз ва пулдихъ галаз алакъалу маса месэлаяр гьялиз жезва. ЦIийи къайда порталдин сайтда “Платежи” разделда ава.
РикIел хкин, “Госуслуги” порталдин куьмекдалди, кIваляй экъечI тавуна, налогрин, приставри истемишзавай буржар, государстводин харж, рекьерин гьерекатдиз талукь къайдаяр чIурайла, тайинарзавай жермеяр, жуьреба-жуьре къуллугъриз (мисал яз, газ ишлемишунай) талукь пулар гуз жезва.
Агьмед Магьмудов
