Квез чидани?
Хейлин вахтунда Нил дуьньядин винел виридалайни еке вацI яз гьисабзавай. Амма 2007-йисуз Бразилиядин алимри Амазонка вацIун чешме (эвел кьил) Мисми тIвар алай дагъда муркIадин къаябрик квайди тайинарна.
Идалай гуьгъуьниз, 2014-йисуз, маса алимри кьиле тухвай ахтармишунри къалурайвал, Амазонкадин эвел кьил Мисми дагъда ваъ, Кордильеры Руми Крус тIвар алай дагъда авайди якъин хьана. Ам Перудин Мантаро вацIун вини кьиле ава. И делилри адаз виридалайни еке вацIун дережа гана.
Санлай къачурла, Амазонкадин яргъивилел тахминан 6992 километр ала. ВацIун гьяркьуьвили лагьайтIа, ам авахьзавай бязи мулкара 190 километр тешкилзава. Амазонка Бразилиядин, Перудин, Боливиядин, Колумбиядин, Эквадордин, Венесуэладин, Гайанадин мулкарилай авахьзава.
«Лезги газет»
