Стlал Сулейманан шииратдин юкъуз Герейханован хуьруьн Р.Къазиагьмедован тlварунихъ галай спортдин майдандал Стlал Сулейманан 149 йисаз талукьарнавай Сулейман-Стальский райондин кlвенкlвечивал патал кьезил атлетикадай акъажунар кьиле фена.
Райондин жуьреба-жуьре хуьрерин 14 дестеди иштиракай спортдин мярекатда кьезил атлетикадин вад жуьредай жегьилри чпин викlегьвал къалурна.
Акъажунар райондин физический культурадин, спортдин, туризмдин ва жегьилрин крарин Комитетдин директор Надир Эфендиева ачухна.
Акъажунрин иштиракчийрихъ элкъвена тебрикдин гаф «Сулейман-Стальский район» МР-дин Кьил Нариман Абдулмуталибов рахана. Ада жегьил спортсменриз агалкьунар тlалабна.
Акъажунрин нетижайра 1-чка Цlийихуьруьн жегьил спортсменрин дестеди кьуна. 2, 3 ва 4-чкаяр Курхуьруьн 1-дестеди, Даркlуш-Къазмайрин ва Курхуьруьн 2-дестеди кьуна.
Гъалибчи дестедизни хъсан чкаяр кьур дестейриз грамотаяр ва пулдин пишкешар гана.
«Лезги газет»
