Дагъустанданда гьар йисуз 1,5 миллион тонндилай гзаф векьер гьазурзава. Малариз алаф патал язавай гзаф йисарин векьер цазвай майданри республикада тахминан 80 агъзур гектар кьазва, са йисанбуру — 50 агъзур гектардив агакьна. 160 агъзур гектардилай гзаф чил тIебии векь ядай чкайрал гьалтзава.
РД-дин хуьруьн майишатдин ва недай суьрсетдин министерстводи июлдин сифтегьан декададин эхирра кьунвай тамам тушир делилралди, Дагъустанда алай вахтунда 684 агъзур тонн алафар, гьа гьисабдай яз 655 агъзур тонн векьер гьазурнава. Виридалайни хъсан агалкьунар Къизляр, Хасавюрт, Бабаюрт ва Тарумовский районрихъ ава.
Алафар гьазурунин кIвалах давам жезва. ЦIинин гатфар ва гатун эвел, алатай йисав гекъигайла, са акьван кьурагьбур хьанач. И карди векьер гьазурзавай чкайра гьалариз хъсан патахъай таъсирна.
РД-дин хуьруьн майишатдин ва недай суьрсетдин министерстводин информациядин къуллугъди кьетIендаказ къейдзавай майишатрин арада Къизляр райондин Речное хуьре авай “Серкеров” КФХ ава. НекIедин суьрсет гьазурунал машгъул малдарвилин и майишатда гьар жуьре жинсерин гзаф кьадар малар ава. Лежбер патал гад куьруьди тирди фикирда кьуна, ина бес кьадар алафар гьазурун патал худда кIвалах кьиле тухузва. Асул гьисабдай векьер тIебии векьин чкайрай язава. Гьар юкъуз майишатда 2 агъзур туьк кьван кIватIзава.
«Лезги газет»
