РД-дин хуьруьн майишатдин ва суьрсетдин министерстводи раижнавайвал, республикадин хуьруьн майишатри гатфарин ципицlдин багълар кутунин кар артухни алаз тамамарнава. Кьилди къачуртlа, 500 гектардин чкадал 620 гектар чиле ципицlар цанва.
Мегьарамдхуьруьн райондин администрациядин пресс-къуллугъди хабар гузвайвал, гатфарин ципицlар цунин нетижайрай район вилик жергеда ава.
Кьвед лагьай чкадал 100 гектарда ципицlар цанвай Сулейман-Стальский район ала. И жигьетдай Хасавюртовский ва Къизилюртовский районрин майишатрини хъсан нетижаяр къалурнава.
«Лезги газет»
