18-майдиз, гьар йисуз адет хьанвайвал, машгьур шаир Стlал Сулеймнан хайи йикъахъ галаз алакъалу яз шииратдин сувар кьиле тухузва. Шаирдиз талукьарнавай мярекатар, конкурсар иллаки Сулейман-Стальский районда гзаф кьиле физва. Икl, райондин администрациядин пресс-къуллугъди хабар гузвайвал, 16-майдиз Юкьван Стlалрин хуьруьн ктабханада шииратдин йикъан сергьятра аваз шаирдин шиирар устадвилелди кlелунин конкурс кьиле фена.
Конкурсда иштиракай 3-7-классрин аялри С.Сулейманан шиирар кlелна. Гьар са аялди вичин алакьун, устадвал къалурна.
Ктабханадин заведующий М.Велибеговади ва муаллим И. Исмаиловади аялрин кlелунин устадвилиз къимет гана.
Гъалиб хьайидаз ва хъсан чкаяр кьурбуруз къиметлу савкьатар гана.
«Лезги газет»
