Инсанди вичин девлет кесибриз куьмекуниз, жемят патал рекьер, муькъвер эцигуниз, сурар ва мискIинар ремонт авуниз ва икI мад харж авун суваб кар яз гьисабзава. ГьакI кIеве авай азарлуйриз куьмек авунни суваб я.
Урусатда карчи ахцегьви Вагъиф Мисиев жемятдин игьтияжар патал вичин хсуси пулдин такьатар серфзавай ксарикай я. Мукьвара кьегьал хци Ахцегьрин Къуьлуьйрин магьледин мискIинда ремонтрин кIвалахар кьиле тухун патал 300 агъзур манат пул гана. Аллагь вичелай рази хьурай. Гуьгъуьнлай ремонтар куьтягьун патал Вагъифа мискIиндиз мад 100 агъзур манат хгана.
Исятда мискIиндин патав яшамиш жезвай Рамидин Сулейманова, Гьажи Кълинжева, Алик Сулейманова, Керим Мегьамедова, Нарик Алиева, Менаф Менафова, Руслан Алиева, Исмаил Мейланова, Эмирме-гьамед Агьмедова ремонтрин кIвалахда ашкъидалди иштиракзава. МискIин дуьзар хъувунин хсуси такьатрикай пай кутур и магьледин агьалияр мадни ава. Вирибурун садакьаяр Аллагьди кьабулрай.
Рагьидин Эминов
