Мегьарамдхуьруьн райондин Бут-Къазмайрал яшамиш жезвай Мамедкеримов Элмедина ва адан уьмуьрдин юлдаш Багьаята чпин веледар дуьз тербия гуналди чIехи ийизва. Спортдал рикI алай, Бут-Къазмайрал кардик квай ДЮСШ-да тренер Омар Шагьмарданован гъилик дзюдодай вердишвилер къачузвай Амира районда, Дагъустанда кьиле физвай чемпионатра иштиракзава.
И йикъара Сулейман-Стальский райондин Сардархуьре Дагъустандин кIвенкIвечивал патал кьиле фейи чемпионатда Амира сад лагьай чка кьуна. Ам медалдизни кубокдиз лайихлу хьана. Им ада кьвед лагьай сеферда къачунвай гъалибвал я. И шад хабарди Мамедкеримоврин хизанар, мукьва-кьилияр, муаллимар, спортшколадин коллектив ва хуьруьнвияр шадарна. Гила Амира нубатдин акъажунриз гьазурвилер аквазва. Вахъ мадни еке агалкьунар хьурай, кьегьал хва Амир!
Желил Желилов
