16-июлдиз Дагъустан Республикадин хуьруьн майишатдин ва недай суьрсетдин министерстводи ва Махачкъала шегьердин администрацияди санал республикадин “Къизилдин машмаш” фестиваль кьиле тухузва.
СтIал Сулейманан сквердин мулкунал гегьеншдаказ тешкилун пландик кутунвай и мярекатдин сергьятра аваз, машмашар гьасилунал машгъул муниципалитетрин кьилди-кьилдин майданар ачухда, гьакIни багъманчивилин хел артмишунин месэладай илимдинни тежрибадин конференция кьиле тухуда. Идалайни гъейри, ина Дагъустандин халкьарин художественный сеняткарвилерин выставка ва “Дидени балаяр милли парталар алаз” фотовыставка жеда.
Фестивалдин программадик гьакIни мастер-классар, милли тIуьнар дадмишун, гьар жуьре конкурсар, концерт ква.
Патав гвай Пушкинан куьчеда “Урусрин мекераяр” ООО-дихъ галаз санал тешкилнавай республикадин хуьруьн майишатдин мекера кьиле тухуда.
Тешкилатчийри республикадин агьалийриз мярекатда иштиракуниз эвер гузва.
Чи мухбир
