Икьрардин бинедаллаз аскервиле къуллугъ авунин яшарин вини кьадар тайинарнавай къанун Госдумади къуватдай вегьенва. Икьван чIавалди военный къуллугъ кьилиз акъудунин гьакъиндай сад лагьай икьрар РФ-дин ватандашриз 40 йис тамам жедалди кутIундай ихтияр авай, къецепатан уьлквейрин агьалийриз — 30 йис тамам жедалди. Гила яшарин сергьятламишвилер амач.
ЦIийи къанунди военный къуллугъдин икьрардин бинедаллаз герек тир пешекарар желбдай мумкинвал гуда. Кьилди къачуртIа, медицинадин рекьяй, инженервилин, техникадин къуллугъдин, алакъадин, техника ишлемишунин ва икI мад.
“Чна Яракьлу Къуватар мягькемарун, оборонадин министерстводиз куьмек гун герек я. Чи Верховный главнокомандующийди армия гъалиб хьун ва къуват, таъсир артухарун патал вири крар ийизва”, — къейдна Госдумадин Председатель В.Володина.
«Лезги газет»
