Квез чидани?

—           Руанда РагъэкъечIдай патан Африкадин гъве­чIи уьлкве я. Анин умуми майданди 26338 квадратный километр кьазва.

—           И государстводин меркездин — Кигалидин — бине немсери кутуна.

—           Руандадиз физвай туристрин кьадар акьван артух туштIани, уьлкве итижлуди ва вичин кьетIен­ви­лер хасди я.

—           Санлай Руандада Москва шегьерда яшамиш жезвай кьван агьалияр ава.

—           Руандада официальный чIалар пуд ава — ингилис, француз, киньяруанда. Асул гьисабдай агьалийри рахунра эхиримжидакай менфят къачузва.

—           Руандадиз “Мидаим гатфарин уьлкве” лугьузва. Булдалди марфар къвазвайвиляй ана йисан муддатда пуд сеферда бегьер кIватIзава.

—           Малум тирвал, Африкадин гзаф уьлквейра цин кьитвал ава. Амма Руандадин агьалийри цин патахъай­ дарвал гьиссзавач.

—           Африкадин чIехи пай уьлквейрилай тафаватлу яз, Руандадин чил бегьерлуди я. Уьлкведин умуми майдандин чIехи пай хуьруьн майишат кьиле тухун патал ишлемишзава.

—           Руандадин гьар вад лагьай агьали савадсуз я.

—           Руандадин агьалийрикай 9 процент мусурманар я.

—           И уьлкве тIебиатдин заповедникралди, вацIа­ралдини вирералди машгьур я.

—           Руандадин агьалийри куьруь уьмуьр кьиле тухузва. Кьилин себеб ам я хьи, уьлкведа медицинадин хел гзаф зайиф я.

—           Руандада авай Кагера милли парк туристрин рикI алай чкайрикай сад я.

—           Руандадин агьалийри дуланажагъда ишлемишзавай затIарин чIехи пай маса уьлквейрай гъизва.

—           Уьлкведа са телеканал ва са радиостанция кардик ква. Абур кьведни гьукуматдинбур я.

—           2015-йисуз Руандадин гьукумат дуьньяда вири­далайни нетижалудаказ кIвалахзавай 10-дак акатнай. Го­сударстводин кьилин дараматдин къвалав гвай куьче­ уьлкведин регьберди вичи шткизва ва гуьгъуьн­лай­ ада къуншидаллай куьчейрин михьивал ахтармишзава.

—           Руандада ракьун рекьер, метро авач. Инсанри, санай масаниз фидайла, машинрикай, автобусрикай, мотоциклийрикай менфят къачузва.

«ЛГ»