Къуйсунрин хуьряй тир Мегьамед Алимова
Украинада кьиле физвай махсус серенжемда акьалтIай викIегьвал къалурна
“Лезги газетдиз” Мегьарамдхуьруьн райондин администрациядин пресс-къуллугъди хабар гайивал, Къуйсунрин хуьряй тир старший лейтенант Мегьамед Алимоваз Украинада кьиле физвай махсус серенжемда къалурай викIегьвилерай “Жуьрэтлувиляй” медаль ганва.
Женгинин рекьяй нубатдин тапшуругъ кьилиз акъуддайла, М.Алимова регьбервал гузвай подразделение миллетчийрин гьалкъада гьатна. Хар хьиз къвазвай гуьллейризни хирез килиг тавуна, викIегь лейтенантди вичихъ галай аскерар гьалкъадай акъудна. Идалайни гъейри, адан дирибашвилин гьерекатар себеб яз, государстводин сирерикай делилар авай алакъадин аппаратурадин са шумуд комплектни душмандин гъиле гьатуникай хуьз алакьна.
Мукьвара Къуйсунрин хуьруьн мектебда Мегьамед Алимован ва дяведин гьерекатрин ветеран, Украинада кьиле физвай махсус серенжемдин иштиракчи Тагьир Магьмудован баркаллувилериз бахшнавай кьилдин мярекат тешкилнавай. Ана мектебдин администрациядин, жемиятдин тешкилатрин векилри, аялри, абурун диде-бубайри иштиракна.
Агьмед Магьмудов
