7-майдиз Агъа Стlалрин хуьруьн ктабханада лезгийрин машгьур шаир Сажидин Саидгьасанован 85 йисан юбилейдиз талукьарна «Дерин манадин шаир» тlвар алаз эдебиятдин межлис кьиле фена, — хабар гузва Сулейман-Стальский райондин администрациядин пресс-къуллугъди.

Мярекатда ктабханадин, КДЦ-дин къуллугъчийри, Агъа Стlалрин СОШ-дин муаллимри ва 6-7-классра кlелзавай аялри иштиракна.

Тешкилатчийри эдебиятдин межлисдиз виликамаз гьазурвал акунвай. Икl, «Чи хуьруьн дамах» тlвар алай плакат, «Чаз куь шиирар хуш я» ктабрин выставка тешкилнавай. Ктабханадин заведующий Зумрият Закержаевади аялриз шаирдин яратмишунрин рекьикай ихтилатна, шаирдин къелемдикай хкатнавай, выставкадал къалурнавай ктабрихъ галаз танишарна.

Мярекатдин вахтунда аялри шаирдин шиирар кlелна ва адан чlаларин манияр тамамарна.

Эхирдай Сажидин Саидгьасанован «Ни гуда заз жавабар?» тlвар алай ктабдай викторина кьиле тухвана. Эдебиятдин межлис аялриз гзаф хуш хьана.

«Лезги газет»