Докъузпара райондин Къурушрин хуьруьн мулкара алай йисан 9-15-июлдиз туризмдин экстремальный жуьрейрай Вирихалкьарин «Ярудагъ-2018» фестиваль кьиле фида.
«Ярудагъ» альпинизмдин фестиваль и мулкара гьар йисан гатуз кьиле физва. Жуьреба-жуьре гьукуматрин альпинистри чи дагълар муьтlуьгъарзава.
Къейд ийин, Ярудагъда виликдай СССР-дин, Россиядин альпинизмдай пуд чемпионат хьанай. Къурушрин хуьруьн мулкар гьейран жедай, тlвар-ван чкайралди лишанлу тирди неинки са Россиядиз, гьакl Европадизни ашкара я. Къурушрин хуьр Россиядин кьиблепатан кьетlен, надир чка я. Альпинистри муьтlуьгъардай Ярудагъдин кукlушни (адан кьакьанвал 1300 метр я) Къурушрин хуьруьн мулкара ава.
Тешкилатчийри ашкъи авай вирубуруз теклифзава.
«Лезги газет»
