Майдин эхиримжи жуьмя юкъуз, “МКД-дин агьалияр” ва “Савадлу муьштеридин школа” проектрин сергьятра аваз, Дагъустанда хъсан къуншийрин ва дуствилин сувар — къуншийрин международный югъ къейдда. Идакай “Сад тир Россия” партиядин пресс-къуллугъди хабар гузва.
Гуьзлемишзавайвал, и юкъуз республикадин шегьерра, партиядин векилрин, яшайишдин кIвалерин инспекциядин, кIвалер идара ийидай компанийрин ва ТСЖ-рин, шегьердин властрин, депутатрин ва республикадин агьалийрин иштираквал аваз, кIвалер идара авунин месэлайрай къуншийрихъ галаз гуьруьшмиш жедай майданар тешкилда.
“МКД-дин агьалияр” проектдин регионда авай координатор Хиби Алиева хабар гузвайвал, 27-майдиз Махачкъалада къуншийрин сувар къейддай асул майдан Исмаилован куьчедин 24-кIвалин, Каспийскда Ленинан куьчеда авай 51-кIвалин гьаят жеда. Мярекатдик концертдин ва спортдин программаяр ква. Ина иштиракчийриз Дагъустандин халкьарин тIуьнарни гуда.
“Суварин макьсад дагъустанвияр къени къуншивилин хъсан адетрал хкунин, гзаф квартирайрикай ибарат кIвалера яшамиш жезвай агьалийриз ЖКХ-да авай месэлаяр санал гьялунин мумкинвал гунин, къуншийри сада масадан патахъай жавабдарвал гьисс авунин, абур тупламишунин ва командадик руьгь кутунин лазимвал я”, — лугьузва Х.Алиева.
«Лезги газет»
