25-апрелдиз мергьяматлувилин “Нова” фондуни Докъузпара райондин мектебрив суварин паяр агакьарна, 1000 аялдиз продуктрикай ибарат пишкешар гана.
И фондуни муниципалитетдиз куьмекар гузвайди сад лагьай сефер туш. Идалай вилик, продуктрилай гъейри, райондин мектебра кIелзавай вири аялар патал спортдал машгъул жедайла алукIдай кIвачин къапар ганай, мастер-класс къалурна, адалай гуьгъуьнизни адан иштиракчийриз рикIел аламукьдай пишкешар пайна ва икI мад.
РикIел хкин, мергьяматлувилин “Нова” фонд арадал гъанвайди Федерациядин Советдин член Сулейман Абусаидович Керимов я.
«Лезги газет»
