— Жалгъаяр тIазвай инсанриз агъадихъ галай рецептри хъсан куьмек гуда:
Гьар юкъуз тIазвай жалгъайривай лимондин са кIус гуьцIда, ахпа 15 декьикьадилай ламу салфеткадалди михьда. Сагъарунин курс са варз я.
Мадни хуьрекдин кьве тIуруна авай гергеррал 2 истиканда авай яд илична, 10 декьикьада ргада. Ахпа ам парчадин кIеви кIусунал экIяна, тIазвай жалгъайрал эцигна, винелай целлофандалди ва дасмалдалди кIевирна, са сятда тада. ТIал фад секин жеда.
50 г камфорный спиртдиз 50 г горчицадин порошок вегьена, хъсандиз хуькуьрда, ахпа аниз хъсандиз тIур янавай какадин лаз яда. Арадал атай мазь холодильникда хуьда. Ам тIазвай жалгъайривай гуьцIна 10 декьикьада тада, ахпа чими целди чуьхуьн хъийида.
— Туьтуьнин хтунал (щитовидная железа) тIвалар алайла, пуд гьафтедин вахтунда нянин сятдин 6-далай 11-далди, жунадин ругуд къат кьелен ширишдай кьежирна, туьтуьнал эцигда. Нетижада тIвалар цIрада.
Идалайни гъейри, гьар юкъуз 1/3 чайдин тIуруна авай куркума, са истиканда авай чими циз вегьена, ишлемишун хийирлу я.
— Туьтер тIазвайла, 5 михек куьлуь авуна, са истиканда авай кудай некIедиз вегьена, са тIимил къайила гьар са хупI сиве са кьадар гагьда туна, ахпа туькьуьнда.
“Айболит” газетдай.
Гьазурайди — Надият Велиева
