Сулейман-Стальский райондин администрациядин пресс-къуллугъди «Лезги газетдиз» хабар гайивал, районда 2018-йисан 20-февралдиз кьиле фейи илимдинни тежрибадин VI конференциядин резолюцияда къалурнавай мярекатар кьилиз акъудунив эгечIнава.
РикIел хкин, лезги чIалан, медениятдин месэлайриз талукьарна тешкилай и мярекатда Сулейман-Стальский райондин кьил Нариман Абдулмуталибова, филологиядин илимрин кандидат Азиз Мирзебегова, «Лезги газетдин» кьилин редактор Мегьамед Ибрагьимова, са жерге алимри, муаллимри, хайи чIалал рикI алай инсанри иштиракнай.
Конференциядин тешкилатчийрин гафаралди, резолюция республикадин талукь тир къурулушриз ва вузриз рекье твада.
«Лезги литературный чIал арадал атунин ва виликди финин рекье Етим Эминан яратмишунрин роль ва метлеб» темадай кьиле тухвай илимдинни тежрибадин VI конференциядин резолюциядин текст.
«Лезги газет»
