И йикъара Сулейман-Стальский райондин Цlийи Макьарал алай аямдин мини-футболдин майдан туькlуьрунин кlвалахар акьалтlарнава. И гьакъиндай«Лезги газетдиз» райадминистрациядин пресс-къуллугъди хабар гузва.
«Чкадин инициативаяр вилик тухун» гьукуматдин программа уьмуьрдиз куьчуьрмишунин сергьятра аваз тадаракламишнавай мини-футболдин майдан патал республикадин бюджетдай 2 миллион манат чара авунвай.
Хуьруьн юкьвал алай майдандал 45 метр яргъивал ва 25 метр гьяркьуьвал ала. Алай вахтунда ана экв тунва, металлдин жугъундалди элкъуьрна кьунва ва майдандал къачу векьин къатни экlянава.
Футболдин майдандикай хуьруьн жегьилривайни, чlехибурувайни менфят къачуз жеда. Къейдзавайвал, гележегда и майдан футболдай аялар патал вердишвилер, хуьруьн ва райондин акъажунар тухунин карда ишлемишиз жеда.
Чешмеди алава хъийизвайвал, футболдин майдан ишлемишиз майдин вацра вахкуда.
«Лезги газет»
