Лезгияр дегь девиррилай халкьдин искусстводин устадралди машгьур хьайиди я. Материалдин меденият арадал гъунин рекье лезгийри жуьреба-жуьре художественный хилера зегьмет чlугуна: цунар, парча хурун, нехишрин хурунар, заргарвал, кlарасдай, къванцяй нехишар акъудун ва икl мад. 

Сулейман-Стальский районда И.Яралиева кардик кутунвай мергьяматлувилин «Умуд» фонд халкьдин адетдин сеняткарвал арадал хкунал машгъул я. Тlвар кьунвай фонд халкьдин меденият, чlал машгьур авунин макьсаддалди тешкилнава. Кьилди къачуртlа, лезгийрин тапракар арадал хкунин фикир ава.

Алай вахтунда ихьтин сеняткарвилел Зизикрин. Сардархуьруьн устадар машгъул хьанва. Гележегда рикlелай ракъурнавай и сеняткарвиляй райондин умуми образованидин идарайрани чирвилер гудай ният ава.

«Лезги газет»