Мукьвара Даркlуш-Къазмайрин хуьре алай девирдин истемишунрив кьадай медениятдинни спортдин комплекс эцигунин план ава. И гьакъиндай «Лезги газетдиз» Сулейман-Стальский райондин администрациядин пресс-къуллугъди хабар гузва.

Хсуси инвестордин такьатрихъ эцигдай дараматдин сад лагьай мертебада спортзал, кьвед лагьай мертебада рикl аладардай медениятдин центр жеда.

Алай вахтунда чилин участок тайинарунин месэла гьялзава. Инвесторди къейдзавайвал, гъиле кьазвай проект акьалтзавай несилди уьмуьрдин дуьз рехъ хкягъунин, спортдал машгъул хьунин мураддалди арадал гъизва.

«Лезги газет»