Дагъустанвийри, 28-февралдин делилралди, Донецкдин ва Луганскдин Халкьдин республикайрин агьалийриз ракъурун патал мергьяматлувилин 20 тонн шейэр кIватIна. Идан гьакъиндай журналистриз МЧС-дин ГУ-дин пресс-къуллугъди хабар гана.
“Дагъустан Республикадин Кьил Сергей Меликован тапшуругъ тамамарунин сергьятра аваз РД-дин жегьилрин крарин рекьяй министерстводи, Каспийск шегьердин администрацияди, “Сад тир Россия” партиядин гьа и шегьердин отделениди Ростовдин областдиз катнавай агьалийриз куьмек гун патал 20 тонн шейэр кIватIна”.
Къейд авун лазим я хьи, дагъустанвийри гузвай куьмекдик сифте нубатда герек къвезвай шейэр, суьрсет, путулкайра авай яд акатзава.
ДНР-дин ва ЛНР-дин агьалийриз кIватIзавай куьмек Махачкъалада авай “Чун санал ала” клубдин базада гьазурна.
«Лезги газет»