Мегьарамдхуьруьн 1-нумрадин СОШ-дин физкультурадин муаллим Ирада Аливердиевади Вирироссиядин алава образованидин муаллимрин пешекарвилин «Рикl аялриз гузва» конкурсдин республикадин этапда 2-чка къазанмишна.

Конкурс РД-дин илимрин гъвечlи академияда Россиядин алава образованидин 100 йисан юбилейдин сергьятра аваз кьиле фена. Мярекатдин кьилин макьсад алава образованидин бажарагълу муаллимар винел акъудун, абуруз куьмек гун ва муаллимрин тежриба раижун я. Конкурсда республикадин алава образованидин муаллимри иштиракна.

Иштиракчийри «Научно-технической и декоративно-прикладной», «Эколого-биологической» ва «Туристко-краеведческой» номинацийра гъалибвал къачун патал женг тухвана.

Гъалибчийрив, хъсан чкаяр кьурбурув шад гьалара шабагьар вахкайдалай кьулухъ концертдин программа кьиле фена. Рази яз амукьай вири иштиракчийри мярекат тешкилайбуруз сагърай лагьана.

«Лезги газет»