27-февралдиз Дагъустандин Кьил Сергей Меликова республикадин гьукуматдин членрин гьакъиндай указрал къулар чIугуна. Виликдай вахтуналди везифаяр тамамарзавай са кьадар министрри чеб алай къуллугърал кIвалах давамарда, бязи министерствойрин кьиле цIийи ксар тайинарнава.
Гьа икI, РД-дин Гьукуматдин Председатель яз Абдулмуслим Абдулмуслимов, адан Сад лагьай заместителар яз Руслан Алиевни Манвел Мажонц тайинарнава. РД-дин Гьукуматдин Председателдин заместителрин везифаяр Ризван Гъазимегьамедовал, Рамазан Жафаровал, Мурад Къазиевал, Муслим Телякавовал, Заур Эминовал ихтибарнава. Заур Эминов гьакIни РД-дин чилин ва эменнидин алакъайрин министрни я.
Дагъустандин министерствойрин кьилер яз агъадихъ галай ксар тестикьарнава:
Артур Сулейманов — эцигунрин, архитектурадин ва ЖКХ-дин министр;
Татьяна Беляева — здравоохраненидин министр;
Зарема Бутаева — культурадин министр;
Яхья Бучаев — образованидин ва илимдин министрдин везифаяр вахтуналди тамамарзавайди;
Нариман Къазимегьамедов — МЧС-дин министр;
Камил Саидов — жегьилрин крарин рекьяй министр;
Энрик Муслимов — милли сиясатдин ва динрин крарин рекьяй министр;
Эмин Мерданов — туризмдин, халкьдин художественный сеняткарвилерин рекьяй министр;
Сажид Сажидов — физический культурадин ва спортдин министр;
Ибрагьим Ибрагьимов — тIебиатдин ресурсрин ва экологиядин министр;
Низам Халилов — промышленностдин ва алишверишдин министр;
Баттал Батталов — хуьруьн майишатдин ва суьрсетдин министр;
Арсен Рустамов — экономикадин ва мулкар вилик тухунин рекьяй министрдин везифаяр вахтуналди тамамарзавайди;
Ризван Мурадов — энергетикадин ва тарифрин министрдин везифаяр вахтуналди тамамарзавайди;
Къазимегьамед Сефикъурбанов — юстициядин министр;
Жамбулат Салавов — транспортдин ва рекьерин майишатдин министр;
Абдурагьман Магьмудов — зегьметдин ва яшайишдин рекьяй вилин финин министр;
Юнус Саадуев — финансрин министр;
Юрий Гьамзатов — рекъемрин рекьяй вилик финин министр.
Къейд ийин хьи, бязи ведомствойрин кьилерин гьакъиндай гьелелиг указар акъатнавач.
«Лезги газет»
