17-февралдиз РД-дин Кьил Сергей Меликован Указдалди Абдулпатагь Амирханов вичин хушуналди Дагъустан Республикадин Гьукуматдин Председателдин къуллугъдикай азадна. Ам Федеральный казначействодин республикада авай управленидин кьиле тайинарнава. Идакай С.Меликова Инстаграмда авай вичин аккаунтда хабар гана.
“За Абдулпатагь Амирханов Дагъустандин Гьукуматдин Председателдин къуллугъдикай азад авуниз талукь Указдал къул чIугуна. РФ-дин финансрин Министерстводи Федеральный казначействодин регионда авай управленидин регьбер яз тайинарун патал А.Амирханован кандидатура теклифнавай. И теклифдихъ галаз зунни рази хьана…”, — къейдна С.Меликова.
РД-дин Гьукуматдин Председателдин везифаяр вахтуналди тамамарун Абдулмуслим Абдулмуслимован хиве туна.
«Лезги газет»
