“Лезги газетдин” редакциядиз жуьреба-жуьре рекьерай куьмекар гузвай жумарт ватанэгьлийрин арада “Димитров Кабель” ООО-дин регьберар тир Шагьпаз Асахановни Адилагь Эседов ава. СтIал Сулейманан райондин Эминхуьряй тир и кьегьал рухвайри гьар йисуз “Лезги газет” подписка авуник чпин пай кутазва: гьар сада чпин хуьруьнвийриз хайи чIалал акъатзавай газетдин 50 экземпляр кхьизва.
Шагьпаз Асаханова лагьайтIа, са шумуд йис идалай вилик вичин хсуси харжийрихъ “Лезги газетдин” редакциядин конференц-зал цIийикIа туькIуьр хъувуна.
Хайи чIал хуьник ва вилик тухуник кьетIен пай кутунай редколлегиядин къарардалди абур кьведни “Лезги газетдин — 100 йис” медалриз лайихлу хьана. Меценатрив шабагьар газетдин кьилин редактор Мегьамед Ибрагьимова вахкана.
Чи мухбир
