Инстаграмда авай @akhty.novosti_24 аккаунтда 4-11-классра кIелзавай аялрин арада “Урус муаллимриз — кIанивилелди” лишандик кваз фасагьатдиз лезги чIалал кхьенвай сочинение ва я шиир кIелунай конкурс кьиле физва. КIелзавай эсерар 1-2 декьикьада давам жезвайбур ва конкурсдин темадиз талукьбур хьун лазим я.

Конкурсдин иштиракчи хьун патал сифте нубатда @akhty.novosti_24 аккаунтдик экечIна кIанзава ва эсер кIелзавай аял лентиниз къачурдалай кьулухъ видеоролик тIвар кьунвай аккаунтдин директдиз ракъурун герек я. Конкурс 1-мартдалди давам жезва. Нетижаяр 8-мартдиз кьада­.

Гъалиб хьайибуруз пулдин пишкешар гуда: 1-чка — 30, 2-чка — 20, 3-чка — 10 агъзур манат. Идалайни гъейри, иштиракчийрин арадай алава 40 касдиз 1 агъзур манатдин кьадарда аваз пишкешар гуда.

Къейд ийин хьи, конкурсдин тешкилатчи (пулдин такьатар чара авунвайди) Ахцегьай тир меценат Нариман Гъазалиев я ва ам СтIал Сулейманан­ райондин кьил Нариман Абдулмуталибован куьмекдалди кьиле тухузва.

«Лезги газет»