Гьуьрметлу “Лезги газетдин” редакция!
Квез и чар Мегьарамдхуьруьн райондин Гъепцегьрин хуьряй кхьизва. За “Лезги газет” кхьиз гзаф йисар я. Ам хкведай юкъуз зун ракIарал вил алаз, са багьа мугьман вилив хуьзвайди хьиз жеда.
Къе заз куь газетдин куьмекдалди Дербент шегьерда яшамиш жезвай шаир Къариб Къарибоваз сагърай лугьуз кIанзава. Къуй адаз мадни гзаф шиирар кхьидай сагъвал гурай Аллагьди!
И йикъара къуншидин кIвализ фейила, заз адан “Мугьманар я чун” тIвар алай ктаб акуна ва ам кIелун патал вугун тIалабна. Ктабда гьатнавай шиирар кIелайла, зун лап рикIивай гьейран хьана. Шаирди тIебиатдикай, алай девирдин гьаларикай, инсанрин пис ва хъсан хесетрикай, алакьунрикай, тербиядикай кхьенвай чIалар гзаф маналубур ва рикIиз таъсирдайбур я.
Къуй адахъ еке агалкьунар хьурай! Чун хьтин пенсионерар абур кIелиз гьамиша гьазур я.
Саласа Гьажиметова,
РСФСР-дин халкьдин просвещенидин отличник,
зегьметдин ветеран
